Në një kohë kur Rusia është në qendër të stuhisë për shkak të pushtimit të Ukrainës, Moska po përpiqet të ndryshojë kushtet e lojës, por pa dobi. Me një video tejet seksiste na fton të shkojmë në Rusi, duke paraqitur si… argumente të lëkundshme femra të bukura dhe gjithashtu… rezistencë ndaj sanksioneve perëndimore.
Reklama prej 53 sekondash në fjalë titullohet “Koha për të lëvizur në Rusi” dhe është postuar në llogarinë në Twitter të Ambasadës Ruse në Spanjë. Videoja përshkruan skena klasike ruse, nga fëmijët që vrapojnë nëpër fusha dhe kuzhina ruse. Disa nga arsyet pse duhet të shkojmë në Rusi, sipas videos, janë gazi i lirë dhe “një ekonomi që mund të përballojë mijëra sanksione”.
Në të njëjtën video, narratori flet gjithashtu për “historinë e pasur, letërsinë e njohur botërore, arkitekturën unike, baletin dhe mikpritjen” e Rusisë. Ai gjithashtu i referohet krishterimit ndërsa rendit “gratë e bukura” sikur të ishin një burim kombëtar, duke treguar vlerat kulturore që mund të presin emigrantët e mundshëm.
Videon e kanë shpërndarë zyrtarë të ambasadës ruse në Spanjë, ku thuhet se Rusia mund t’i bëjë ballë mijëra sanksioneve.
Në anën tjetër realiteti në këtë vend është krejt ndryshe, atje mungon liria e shprehjes, mediat janë të kontrolluara nga Vladimir Putin, e ata që mendojnë ndryshe brenda natës “zhduken” pa gjurmë.
Në video tentohet të reklamohet kinse “jeta e lirë”, ku energjia elektrike, uji, gazi e femrat e bukura e bëjnë këtë vend të “përkryer” për të jetuar./m.j
