Forcat ruse kanë rrëzuar 300 dronë ukrainas dhe kanë goditur vendet e magazinimit të raketave Sapsan, ndërsa luftime të ashpra janë duke u zhvilluar në rajonin e Donjetskut, ku forcat ukrainase po përpiqen të ndalojnë një përparim rus.
Në një deklaratë të veçantë, Ministria e Mbrojtjes, së bashku me Shërbimin Federal të Sigurisë (FSB) të Rusisë, thanë se forcat ruse kishin penguar një sulm me dronë ukrainas në centralin bërthamor të Smolenskut.
Agjencia ruse e lajmeve Interfax bazuar në informacionet e Ministrisë ruse të Mbrojtjes, raportoi se forcat ruse kishin fituar pozicione më të mira pranë vendbanimit Zoloty Kolodyaz në rajonin e Donjetskut, megjithëse hartat pro-ukrainase tregonin se forcat ukrainase kishin kufizuar përparimin rus.
Pala ruse shtoi se avionë luftarakë, dronë dhe raketa u përdorën për të goditur vendet e magazinimit të raketave ukrainase Sapsan në të gjithë vendin.
“Katër bomba ajrore të drejtuara dhe 300 dronë u rrëzuan nga sistemet e mbrojtjes ajrore”, tha ministria.
