Rusia po ndërmerr masa për parandaluar sulme të mundshme kibernetike nga shërbime të paemëruara të inteligjencës, që sipas tyre duan të kryejnë sulme shumë të mëdha kibernetike, ka njoftuar agjencia vendore për mbrojtjen e Rusisë.
Sipas saj, sulmet kanë shënjestër sistemin financiar të Rusisë, duke përfshirë edhe akvititetet e bankave të mëdha të Rusisë. Shërbimi i Sigurisë Federale (FSB) ka njoftuar më 2 dhjetor se shërbimet kompjuterike të përfshira në sulmet e planifikuara janë nga Holanda, ndërsa ato janë regjistruar si pronë e kompanisë ukrainase “Blazing Fast”.
Sipas deklaratës së agjencisë vendore për mbrojtjen e Rusisë, sulmet mund të kryhen nga dërgimi i mesazheve telefonike dhe postimeve në rrjete sociale që do të shpallnin shembjen e bankave kryesore ruse dhe sistemit financiar në tërësi.
Ndërsa, Shefi i inteligjencës së huaj gjermane paralajmëroi disa ditë më parë se Rusia mund të përpiqet të pengojë zgjedhjet e vitit të ardhshëm në Gjermani, përmes sulmeve kibernetike. Bruno Kahl tha se, qëllimi i i këtyre sulmeve është të shkaktojnë pasiguri politike.
BW/d.i.
