Pas 90% të fletëvotimeve të numëruara të zgjedhjeve të djeshme për Dumën Ruse, rezultatet zyrtare tregojnë se partia në pushtet, Rusia e Bashkuar e mbështetur nga Presidenti Vladimir Putin, mund të fitojë më se 300 vende në Dumën ruse me 450 vende të deputetëve.
Kjo është e mjaftueshme për ta siguruar shumicën kushtetuese prej dy të tretave në Dhomën e ulët të Parlamentit të Rusisë, shkruan REL.
Rezultatet paraprake të shpallura sot herët në mëngjes nga Komisioni Qendror i Zgjedhjeve, tregojnë se Rusia e Bashkuar i ka fituar 54.21% të votave.
Vetëm tri parti të tjera duket se do ta kalojnë pragun prej 5% për të siguruar pjesëmarrje në legjislaturën e re. Të gjitha ato janë besnike ndaj Kremlinit dhe politikave të presidencës.
BW/d.i.
