Në prag të ndeshjes përballë Izraelit, rival direkt për vendin e tretë në eliminatoret e Kampionatit Botëror të Rusisë, trajneri i Shqipërisë Gianni De Biasi shprehet se për një tjetër mrekulli pas kualifikimit në Europian do të jetë shumë e vështirë, pasi në grup janë dy ekipet shumë të forta si Spanja dhe Italia në grupin G.
“Është e vështirë të renditemi në vendin e dytë, sepse Spanja dhe Italia kanë më tepër cilësi. Spanja është më superiore se të gjitha ekipet e grupit, ka eksperiencë të madhe ndërkombëtare dhe kualitet.
Italia ka lojtarë të fort në mbrojtje, me Buffon, Kielinin, Bonuçin e Barzjaljin. Gjithashtu nëse rikuperohet maksimalisht edhe Markizio që ka nisur të luajë, do të jetë një bllok solid i Juventusit që do ti japë më tepër cilësi ekipit.
Përsa i takon Shqipërisë, ne nuk duhet të harrojmë atë që na ndihmoi të kualifikoheshim në Kampionatin Europian, pra të jemi të vetëdijshëm te kualiteti ynë, të luajmë në mënyrë jo egoiste dhe të jemi gjithmonë aty për të ndihmuar njëri-tjetrin.
Izraeli është ndeshja më e rëndësishme për Shqipërinë dhe aty duhet të jemi të përqendruar, pasi rivali ynë direkt për vendin e tretë në grup” tha ai.
ma.me
