Kryetarja e grupit demokrat në Parlament, Rudina Hajdari nga foltorja e Kuvendit kërkoi marrjen e masave urgjente pas krimeve të fundit në familje në Rrëshën dhe në Durrës, ku u vranë dy gra. Hajdari tha se edhe ajo vetë ka qenë pre e dhunës.
“Njerëzve u ka ardhur në majë të hundës nga kjo klasë politike. Dua të prek edhe një tjetër histori, ku jemi sot po vriten dhe dhunohen gratë, kjo është emergjencë. Ku jemi sot? Unë do të flas për gratë që vriten në rrugën e Tiranës cdo ditë. Po cfarë po bëni ju sot, ju sot reklamoni që roli i gruas po rritet, ndërsa gratë po vriten. Sot cdo grua që njihni mund të jetë dhunuar. Zonja ministre duhet të kishte shkarkuar dikë që punon me ju të kishit marrë masa më konkrete.
Ministri i rendit duhet të kishte marrë masa, të kishte shkarkuar dikë për këtë fenomen dhe të thoni i kemi parë në TV dhe ndodhin kudo. Bashkë me mua, edhe unë kur kam qenë e pre kam qene pre dhe viktimë e dhunës, jo psikologjike, por të gjithë viktimat e këtij fenomeni dhe të luftojmë. Nëna ime patjetër mund të ketë qenë në kohën e komunizmit, unë kam qenë, por fëmija ime nuk duhet të jetë. Unë i mora forcat se jetova në një vend si Amerika ku u armatosa me forcat”, u shpreh deputetja Hajdari. /e.s/
