Ditën e sotme është zhvilluar tryeza për Reformën Zgjedhore, mbledhje e organizuar nga “Nisma Thurje”. E pranishme në këtë mbledhje ishte edhe deputetja Rudina Hajdari.
Pas takimit në një postim në rrjetet sociale, Hajdari shkruan se ndryshimi i sistemit dhe listat e hapura janë shumë të rëndësishme.
“Çështja e ndryshimit të sistemit zgjedhor nuk mund ti takojë vetëm partive sepse është një çështje e gjithë shoqërisë.
Prandaj sot u bashkova me Nismën Thurje dhe organizatat e shoqërisë civile për të ndarë me ta ecurinë e deritanishme të proçesit për ndryshimin e sistemit zgjedhor si edhe për të dëgjuar propozimet e tyre.
Jam e lumtur që të gjithë e mbështetën pa kursime idenë e hapjes së listave dhe më inkurajuan që zërin e tyre ta çoj në Kuvend”, shkruan Rudina Hajdari.
/a.r
