Kryetari i grupit parlamentar të Partisë Socialiste, Gramoz Ruçi ka deklaruar edhe një herë se zgjedhjet parlamentare do të mbahen më 18 qershor dhe se nuk ka arsye të shtyhen, pasi nuk ndodhemi në situatë të jashtëzakonshme. Nga Roskoveci ku po merrte pjesë në një aktivitet për shpërndarjen e lejeve të legalizimit, Ruçi deklaroi se mazhoranca është e gatshme të ulet dhe të diskutoje më opozitën për reformën zgjedhore. Por sipas Ruçit opozita nuk ka interes për Kodin Zgjedhor, por për qeveri teknike. Sipas tij, situata polite e krijuar çon në destabilizimin e vendit. Ruçi konfirmoi edhe njëherë se nuk do të ketë qeveri teknike, pasi e ka përcaktuar qartë populli se kush qeveris vendin. “Nëse nuk realizohen zgjedhjet e qershorit, atëherë zgjedhja e presidentit është në rrezik”, deklaroi Ruçi.
“Zgjedhjet do të mbahen, pasi nuk ka situatë të jashtëzakonshme në vend. Kushtetuta përcakton qartë se zgjedhjet mbahen 1 herë në 4 vjet. Nëse nuk realizohen zgjedhjet e qershorit, atëherë zgjedhja e presidentit është në rrezik. Situata politike e krijuar çon në destabilizim të vendit. Jemi të gatshëm të ulemi të diskutojmë me opozitën për reformën zgjedhore. Pronojmë çdo propozim që do të pranohej edhe nga OSBE”, deklaroi Ruçi.
a.ç
