Mazhoranca e majtë gjithnjë ka qenë e detyruar për të ndërmarrë reforma të thella për ta nxjerrë vendin nga kriza ku e ka gjetur . Me këtë deklaratë kreu i Grupit Parlamentar të PS Gramoz Ruçi u është drejtuar qytetarëve nga qyteti i Lushnjes gjatë prezantimit të kandidatit të majtë Fatos Tushe.
Gjatë fjalës së tij Ruçi ka përmëndur disa nga reformat të cilat janë ndërmarrë nga qeveria në 18 muaj duke theksuar se si në 2007-ën ashtu edhe në 2013-ën, Partisë Socialiste i është dashur të bëjë reforma të mëdha dhe të vështira për qytetarët.
“Ne vijmë pas 18 muaj qeverisje. Dhe ne e dimë që të gjithë kanë pritur më shumë. Por ne progresistëve të majtë gjithmonë na ka rënë trari nga pjesa e trrashë. Kështu na ndodhi në 2007 dhe në 2012. Kështu në këto 18 muaj janë bërë reforma sa nuk janë bërë në 20 vite rresht. Reforma në energjitikë, në pensione, në drejtësi. Dhe për këtë kemi marë edhe mbështetjen nga Bashkimi Evropian të cilët i cilësojnë këto reforma si një rrugë të drejtë drejt bashkimit evropian”, tha Ruçi.
