Edhe Kreu i Grupit Parlamentar të Partisë Socialiste Gramoz Ruçi është bërë pjesë e debatit në seancën e sotme të Kuvendit të Shqipërisë. Nga foltorja e parlamentit, Ruçi iu drejtua deputetëve dhe në veçanti opozitës duke kërkuar që të flitet në sallë për projektligjet dhe për shqetësimet e banorëve dhe jo vetëm mes sharjesh dhe sherresh.
Duke cituar një raport të një fokus gupi amerikan, Ruçi tha se në Kuvend bëhet më shumë baltosje se sa debat i mirëfilltë. Duke iu drejtuar opozitës, Ruçi tha se ata nuk kanë votuar asnjë nga ligjet që prekin qytetarët si reforma e pensioneve apo edhe ligji për arsimin apo energjinë. Jo vetëm kaq por Ruçi nënvizoi se në 18 muaj nuk është kërkuar asnjë mocion apo debat me qeverinë.
“Duke ndjekur të gjithë seancat kam medituar me veten duke dëgjuar kolegët dhe kam shtruar pyetjen mirë këta po ç’thonë ata që kanë votuar për ne, dhe jam mundur që kësaj pyetje t’i jepja përgjigje. Do të isha shumë subjektiv, s’do isha realisht. Por këtë ditë edhe mazhoranca edhe minoranca kanë në dorë një dokument, një raport nga një Fokus Group që bën cdo ditë instituti demokratik amerikan që ka edhe një rubrikë për parlamentin. Meraku që kisha që thonë njerëzit për ne e gjej tek ky Fokus Group. Konkluzioni i parë: Më shumë baltosje sesa debat. Pjesëmarrësit në Fokus Group shprehin interés të ulët për të ndjekur debatet në parlament, si pasojë e ndjesisë së zhgënjimit nga politikanët. Ju nuk jeni pjesëmarrës. Keni një vit e gjysmë këtu është vendi i fjalës, askush nga ju, ka gjysmë ore për të folur për komunitetin që përfaqësoni. Asnjë nuk e ka bërë. Shikoni procesverbalet ku flitet për halle të komunitet. Asnjë projektligj të votuar nga ato që përmenda, si reforma në arsim, e pensioneve, e energjisë. Kush nga ju ka bërë një interpelancë me qeverinë, një moción me debat me qeverinë, një moción mosbesimi? Edhe një moción që bëtë e firmosët në darkë dhe e mohuat në mëngjes. S’i nuk jeni serioz me veten tuaj. Qytetarët ju kanë votuar që të shohin se ç’alternativë ofroni jo për sherrxhinj. Prandaj ju lutem shumë duke marrë shkas nga të gjitha konkluzionet se çmendojnë votuesit tanë për net ë zgjedhurit ka nevojë të reflektojmë të gjithë duke filluar nga unë.” tha Ruçi
Redaksia Online
(JavaNews.al)
