“Është koha që na duhet një organizim dhe veprim tjetër politik dhe ne socialistët do të dimë siç kemi ngritur të ringrihemi në 1992 për 5 muaj, në 1994 për dy vjet dhe në 2007 për 3 vjet të tjera. Të mobilizojmë energjitë tona për të rritur, forcuar dhe konsoliduar solidaritetin socialist”- është shprehur në festën e 25-vjetorit të PS, kreu i grupit parlamentar të kësaj partie, Gramoz Ruçi.
Deputetët e PS-së janë angazhuar për 25-vjetorin e PS nëpër të gjitha rrethet, për ta përmbyllur në fund me një festë në Tiranë, e cila duket se do shtyhet për shkak të Kampionatit Evropian të Futbollit – raporton GSH.
PS është themeluar në 12 qershor të vitit 1991, por festa do të zhvillohet më 12 korrik.
Fotot e mëposhtme janë bërë në takimin e djeshëm nga dega e PS-së së Tiranës, në mjediset e Muzeut Kombëtar./a.m.
