Ruçi, kritika deputetëve: Mos mungoni në seancat e Kuvendit
Kryetari i grupit parlamentar socialist, Gramoz Ruçi, u ka tërhequr ka kriitikuar deputetët e tij për mungesat e tyre në seancën plenare të ditës së enjte. Ruçi ka kërkuar pjesëmarrjen e plotë të grupit gjatë punimeve të Parlamentit.
Ruçi u ka thënë deputetëve se “nuk duhet të përsëritet situata e një jave më parë në Parlament, kur projektligjet gjatë votimit morën vetëm 71 vota”. Ajo që ra në sy gjatë seancës së shkuar parlamentare ishte vështirësia e shumicës për të bërë numrin e votave për rrëzimin e dekreteve. Në mënyrë të përsëritur, koalicioni i majtë e ka humbur edhe në seancën e fundit kufirin e 80 votave, duke mundur që të plotësojë vetëm kufirin minimal të shumicës së thjeshtë me 71 vota.
Kreu i Grupit socialist ka kërkuar që të anulohen të gjitha lëvizjet jashtë Tiranës të deputetëve dhe ditën e enjte ata të jenë të angazhuar vetëm në seancën plenare, pasi sipas tij, përfaqësimi i Grupit Parlamentar ditën e seancës plenare është shumë i rëndësishëm.
