Kreu i Grupit Parlamentar të Partisë Socialiste Gramoz Ruçi në një intervistë në News 24 për gazetaren Eni Vasili, Ruçi komentoi dallimin mes Edi Ramës dhe Fatos Nanos.
Ai shprehet se “në politikë asnjëherë nuk lejoj që e ardhmja ime politike apo koka ime politike të jenë sininë e kryetarit të radhës, dje të Nanos dhe sot të Ramës.”
“Të dy janë njerëz të ndryshëm dhe janë njerëz të njëjtë. Të dy kryetarë të PS në kohë dhe në periudha të ndryshme. Pavarësisht se unë kam qenë edhe në kohën e zotit Nano, edhe të zotit Rama e kam thënë që unë në politikë asnjëherë nuk lejoj që e ardhmja ime politike apo koka ime politike të jenë sininë e kryetarit të radhës, dje të Nanos dhe sot të Ramës. Avenirin tim e kam bazuar te votuesi që më voton dhe e dyta te puna ime. Unë do të jem në politikë aq herë sa të më votojnë strukturat e PS dhe aq herë sa do më votojë elektorati shqiptar në Parlament.” tha ai
I pyetur për një rikthim të Nanos në politikë, përgjigjia ishte nuk është në dijeni të një ambicie të tillë të ish-liderit të PS.
“Unë s’ja mohoj askujt të drejtën. Fusha politike është shumë e gjerë. Forcat politike janë këtu. Ambiciet politike që mund të ketë Nano unë nuk e di. Këtë që ja thashë Nanos kur donte të bëhej Presidenti ne nuk kemi numra të bëjmë president. Nëse kundërshtari jonë politik, të ofron ty mbështetjen për tu bërë president ne t’i japim. Deri sa të vijë dita, nuk e di a e ka më Nano këtë ambicje. Mund të ndryshojë edhe skema e zgjedhjes së Presidenti, ndoshta, sepse ka një reformë në fushën e drejtësisë”. tha Ruçi
Ruçi vlerësoi Pandeli Majkon, një nga emrat pretendentë për bashkinë e Tiranës, si një kandidat të vlefshëm për president, ndërsa kritikat e Blushit i cilësoi si normale brenda debateve të brendshme që vazhdimisht ka në Partinë Socialiste.
Gramoz Ruçi u ndal edhe tek zgjedhjet vendore ku vlerësoi kandidatin e maxhorancës për bashkinë e Tiranës, Erion Veliaj, si reformator në ministrinë që e drejtoi për një vit e gjysëm.
