Analisti Frrok Çupi komentoi zhvillimet në Partinë Demokratike, si edhe investimet ruse Shqipëri.
Çupi tha se situata në PD është parashikuar prej kohësh, ndërsa theksoi se kjo parti e ka mbyllur edhe ciklin e lidhjeve me popullin, PD është e padëshirueshme. Kthyer te investimet ruse, Çupi tha se Rusia e goditi fort Europën me anë të Berishës dhe Metës.
Prej kohësh është kuptuar se PD e kishte mbyllur ciklin e vet, dhe duke qene se i përket një qenieje që e ka mbyllur ciklin, le ta konsiderojmë qoftë edhe biologjik të jetë dhe më pas, ka mbyllur ciklin politik, të mbijetësës si organizëm serioz, ka mbyllur edhe ciklin e lidhjeve me popullin, PD është e padëshirueshme.
Që kurse PD sulmoi me ushtrinë e shtetit gjysmën e popullsisë së vet, e fundosi pasurinë e vet, në skemat piramidale, vrau njerëz në rrugë, dogji e shkatërroi për interesa personale dhe është shpallur si partia që ndodhet në zgripin e gjësë për t’u shpallur non grata si parti.
E gjithë strategjia e tyre për të shërbyer edhe shërbimet vendeve jo mike ndaj vendit tonë, është një ciklon shumë i madh. Një ciklon që ka shpërthyer fort nga vitet 2016, 2017 2018 dhe vijojnë por në një mënyrë më të ndryshuar.
Vetëm 2-3 gjëra më lejoni t’ju them. Në 2016 janë kryer pagesat e para për Monika Kryemadhin, Në 2017 pagesat e dyta. Në pagesat e para ka ndodhur rezistenca e fuqishme e Metës dhe Berishës për të mos bërë reformën në drejtësi. Ishte rezistenca e parë, e paimagjinueshme kundër SHBA dhe drejtësisë në vend. Kjo është maja e ajsbergut, ne do shohim cfaë ndodh, zhvillimet do zbulojnë llahtare të mëdha.
Në 2017, deputetët e Berishës u larguan nga parlamenti. Mund ta krahasoj këtë moment me luftën në Ukrainë, Rusia e goditi fort Europën me anë të Sali Berishës dhe Ilir Metën.
Ishte mendje ruse, me qëllim që të krijojë modele të tjera europiane. Dhe mendoni sikur të gjithë deputetët e pakënaqur të largoheshin nga parlamentet do të thotë, të binin shtetet në Europë. Ishte një bombë nukleare.
Vijmë në 2018, kur janë bërë sërish pagesa. Të gjitha dhanë efektet e tye. Në 2018, ilir Meta alternoi rolet me gruan me familjen e vet. E përjashtoi nga familja, me qëllim që në një moment të caktuar ajo të konsiderohej si e përjashtuar. Krijoi, një monstër të shtetit, duke bërë zonjë të parë një fëmijë, dhe largoi kryemadhin që ishte hedhur në flakë dhe i kishte të shënuara gjërat.
Meta donte të qëndronte president. Të njëjtën gjë ka bërë Sali Berisha, dmth këta kanë përdorur jo vetëm familjen politike, këta kanë përdorur familjen biologjike.
Në 2018 Meta nisi të akuzojë Amerikën duke thënë nga Pogradeci se mua po më vrasin si Alenden. Ishte e tëra, sipas modelit të agjenturave rusë. Në 2019, Meta kreu grusht shteti me dekretin për anulimin e zgjedhjeve. Rusia në këto periudha kishte të njëjtën taktikë për të ardhur te Ukraina.” u shpreh Çupi në studion e Tirana Live në ABC News.
/s.f
