Sekretari amerikan i Shtetit, Marco Rubio, kritikoi ashpër Gjykatën Penale Ndërkombëtare (ICC), duke deklaruar se Shtetet e Bashkuara nuk e njohin juridiksionin e saj mbi qytetarët, ushtarakët dhe udhëheqësit politikë amerikanë.
Rubio njoftoi vendosjen e sanksioneve ndaj gjykatës, duke theksuar se administrata e presidentit Donald Trump synon të pengojë çdo veprim të saj kundër amerikanëve.
Gjatë një fjalimi të mbajtur, Rubio paralajmëroi se Uashingtoni do të vijojë përpjekjet për ta çmontuar institucionin nëse nuk ndalen këto veprime.
“Për dekada me radhë, si republikanët, ashtu edhe demokratët e kanë kundërshtuar idenë se Gjykata Penale Ndërkombëtare ka kompetencë të gjykojë qytetarët amerikanë, personelin ushtarak apo udhëheqësit politikë, sepse Amerika nuk iu bashkua kurrë kësaj gjykate.
Ne nuk kemi nevojë për atë gjykatë dhe nuk e duam atë. Por tani, ekspertë globalistë, që ndodhen përtej oqeanit, nuk duan t’ia dinë se çfarë mendoni ju. Ata duan që Gjykata Penale Ndërkombëtare të bëjë më shumë, përfshirë ndjekjen penale të qytetarëve amerikanë dhe personelit ushtarak që mbron vendin e tyre.
Ata duan të ndjekin penalisht agjentët e patrullës kufitare që mbrojnë kufijtë e vendit tonë. Duan të ndjekin penalisht edhe udhëheqësit tanë të zgjedhur, të cilët garantojnë sigurinë tonë kombëtare. Ata kërkojnë më shumë pushtet dhe duan ta fitojnë atë në kurriz të sovranitetit tonë si komb.
Presidenti Trump nuk do ta lejojë kurrë Gjykatën Penale Ndërkombëtare të ndjekë penalisht amerikanët. Për këtë arsye, sot Shtetet e Bashkuara po vendosin sanksione ndaj Gjykatës Penale Ndërkombëtare. Do të ndalojmë transaksionet me këtë gjykatë të dalë jashtë kontrollit, duke i ndërprerë burimet dhe duke e paralizuar aftësinë e saj për të vepruar kundër nesh.
Mesazhi ynë është i qartë: Shtetet e Bashkuara dhe populli amerikan nuk i nënshtrohen juridiksionit të kësaj ICC-je të rreme. Të dyja partitë bien dakord për këtë, por vetëm Presidenti Trump ka vendosmërinë për të ndërmarrë veprimet e nevojshme për t’i dhënë fund këtij kërcënimi, një herë e mirë.
Ose ICC-ja do t’i japë fund kërcënimeve të saj, ose ne do t’i japim fund ICC-së. Ne presim që aleatët tanë, shumë prej të cilëve janë pjesë e ICC-së dhe mbështeten te personeli ushtarak amerikan për mbrojtjen e tyre, ta vënë nën kontroll këtë gjykatë të dalë jashtë kontrollit. Nëse nuk e bëjnë këtë, Shtetet e Bashkuara do të vazhdojnë fushatën për ta çmontuar ICC-në, pjesë-pjesë, derisa amerikanët të mos jenë më të kërcënuar”, tha ai.
Today, the Trump Administration is sanctioning the ICC.
This action should encourage our Allies within the Court to work for solutions to end this threat to U.S. sovereignty forever. https://t.co/D86dCqLUaZ
— Secretary Marco Rubio (@SecRubio) October 9, 2026
