Pas rreth 7 muajsh hetime, policia italiane ka arritur të hedhë dritë mbi grabitjen spektakolare të 7 milionë eurove në një vilë lukzose në Torino, ku pjesë e vjedhjes ishte dhe një shqiptar.
Në pranga kanë përfunduar 4 persona, ndër ta edhe Zef Zefi, 41 vjeçari shqiptar.
Grabitja ka ndodhur 8 muaj më parë, dhe dy prej të arrestuarave, Silvi Lanza dhe Madalena Rici kishin për detyrëe të vëzhgonin vilën dhe hyrje daljet e të moshuarës pasanike që jetontë aty. Grabitja më pas është kryer nga shqiptari dhe i arrestuari i katërt, serbi Denis Jovanoviç.
Policia ka mësuar gjithashtu se dy gratë kishin zënë edhe miqësi me pronaren e apartamentit.
