Brenda këtij 4 vjeçari qeveria shqiptare do të ndërtojë të gjitha akset dhe nyjet rrugore në të gjithë vendin, të cilat do të bëhen të mundura falë investimeve në fushën e infrastrukturë dhe atë të energjisë.
Ministri i Energjisë dhe Infrastrukturës, Damian Gjiknuri gjatë fjalës së tij në foltoren e kuvendit, akuzoi sot opozitën se gjatë qeverisjes së tyre kanë abuzuar me ndërtimin e rrugëve, duke akumuluar borxhe të cilat ende nuk janë shlyer.
“Të njëjtën gjë po bëjmë dhe me rrugët, një borxh i madh është trashëguar.
Me qindra milion dollarë, të papaguara që gjetëm, mbi treqind e ca milion të mbetura në pjesën e rrugëve dhe fatura që akoma nuk po mbyllen.
Por jam i bindur që me programin ambicioz që ka kjo qeveri në katër vitet, përfshi këtë katër vjeçar, me projektet që kemi filluar do të përfundojmë të gjitha rrjetet e nevojshme kombëtare të rrugëve. Bëhet fjalë për të gjitha nyjet dhe akset kryesore dhe jo rrugë vend e pa vend, për qëllime elektorale. Investimet do të bëhen nga buxheti i shtetit, të shtrira në kohë dhe brenda një limiti buxhetor të lejuar aq sa përcakton ligji dhe pjesa tjetër me investime tërësisht private, e cila do të bëj që Shqipëria të ketë nyje të plota të transportit rrugorë.”
Sipas ministrit investimet në fushën e infrastrukturës dhe energjitikës do të prekin një shifër prej 400 milion eurosh, investime të cilat do të ndërtojnë vepra të mëdha energjetike, duke theksuar këtu HEC-in e Kalivaçit, që do të kushtoj 120 mln euro dhe do të risë punësimin në atë zonë.
“Investimet që kemi nisur dhe do të vazhdojmë, qoftë investimet në infrastrukturë qoftë investimet në energji, ku priten 400 mln euro në sektorin publik, për të mos thënë vepra të mëdha energjetike që do të fillojnë së shpejti.
Po mbyllim kontratën e Kalivaçit, një gropë që ju e kishit lënë në shumë vite.
Do bëhet HEC i Kalivaçit.
Dhe ky do të ketë një investim prej 120 mln euro, që padiskutim do të krijojë mijëra vende pune në atë zonë. Nga ana tjetër ka shumë vepra të tjera energjetike që janë rrugës duke përfunduar dhe ose një pjesë të cilat do të fillojnë së shpejti, për të mos thënë investime në burime të tjera të energjisë së rinovueshme për shkak të politikave të drejta dhe reformatore që ka ndjekur kjo qeveri ka krijuar mundësi punësimi.
Fatkeqësish ne vazhdojmë të paguajmë faturat e politikës së papërgjegjshme të asnjë vepre të përfunduar, gjej një rrugë që është përfunduar një vepër e cila u nis nga a-ja te zh-ja dhe u përfundua. Asgjë.”
Një tjetër çështje e cila u prek nga ministri Gjiknuri, ishte dhe situata e përmbytjeve në qarkun e Shkodrës, e cila sipas tij vjen si pasojë e reshjeve të shumta dhe jo e hapjes së portave të kaskadës.
Gjiknuri akuzoi opozitën se gjatë qeverisjes së tyre nuk kanë dëmshpërblyer banorët e përmbytur në vitin 2011, faturë e cila po mbyllet nga qeveria aktuale.
“Ajo çka po bëhet me kaskadën aktualisht , po mirë administrohet.
Po ju e doni atë të shpallet gjendja e jashtëzakonshme për të marrë para.
Po ato që në 2011 ën, kur partia jote shpalli gjendjen e jashtëzakonshme, megjithëse përmbytjen një pjesë të 2011-ës e shkaktuan reshjet dhe jo KESH-i, nuk i keni dëmshpërblyet banorët, i latë pa dëmshpërblim.
Dëmshpërblimin e banorëve u krye para një viti.
Ka ngelur vetëm një pjesë e vogël por edhe ajo do të mbyllet, dhe nuk u mbyll për shkak të krizës së prodhimit dhe thatësirës vjet, nuk kishte mundësi KESH ti shlyente të gjithë ama u shlye e gjithë pjesa që ju kishit lënë borxh.
Reshjet e shumta dhe fryrja e lumenjve dhe liqeneve ishin ato që shkaktuan përmbytjen, po të kishim shkaktuar 2000 m3 do ishte përmbytur Shkodra dhe gjithë pjesa tjetër.
E vetmja formulë për të luftuar varfërinë dhe papunësinë është zhvillimi ekonomik , i cili vjen nga sektor që performojnë nga reforma të forta dhe të thella, të cilat duket se sjellin pasoja, por krijojnë stabilitet ekonomik, ashtu si reforma e energjisë e cila u anatemua nga ju solli qëndrueshmëri në investime dhe qëndrueshmëri në buxhetin e shtetit.
Dhe jo si në vitin 2013, që e theu shtetin në mes e uli në gjunjë për shkak të gropës së madhe që shkaktonte energjia.”përfundoi Gjiknuri.
Duke u ndalur te diskutimi i ditës në kuvend për skemën e ndihmës ekonomike, Gjiknuri theksoi se ndërtimi i aeroporti të Vlorës, i cili u kundërshtua nga opozita do të luftoi varfërinë duke rritur punësimin.ATA
a.ç
