Kryeministri Edi Rama ja ka dedikur “komunikimin e javës” në rrjetin e tij social, vendimit të qeverisë për rritjen e rrogave dhe pensioneve vitin e ardhshëm, duke thënë se brenda një mandati të të majtëve, do të jepet dyfishi i parave që janë dhënë në 8 vite nga ana e qeverisë Berisha, për rritjen e rrogave dhe pensioneve.
Kryeministri Rama tha se vitin e ardhshëm do të hiqen nga buxheti i shtetit 100 mln dollarë për rritjen e pagave dhe pensioneve. Kreu i qeverisë ka dhënë dhe një mesazh për të gjithë punonjësit dhe qytetarët e vendit, se reformat e udhëhequra nga qeveria Rama, kontributorët kryesorë janë shqiptarët.
“Ata që qeverisën më parë nuk kishin sesi ti hynin peripecive të reformave, pasi nuk e besonin se shqipëria mund të bëhej.
Ata nuk besonin se Shqipëria mund të bëhet, një vend ku drita e semaforit ka të njëjtën ngjyrë, si për njerëzit e zakonshëm ashtu edhe për ata me pushtet.
Që Shqipëria të bëhej një vend ku mund të ndalohej duhani në ambientet publike, ku mund të paguhej fatura për të gjithë ata që konsumonin energjinë elektrike,
Ata nuk e besonin se Shqipëria mund të ksihte më shumë sesa një shesh si ai në kryeqytet, e jo më në të gjitha qytetet.
Ata nuk e besojnë sot e gjithë ditën dhe as nuk do ta besojnë asnjëherë se Shqipëria do të ketë një sistem drejtësie të drejtë.
Ata besonin dhe besojnë tek pushteti, jo tek Shqipëria.
Pikërisht besimi se vendi mund të bëhet më ka sjellë në këtë detyrë… me këtë bindje që ne duhet dhe mund të bëjmë shtet, kemi qeverisur dhe do të vazhdojmë që të çojmë përpara reformat…
Nga një anë rezistenca e incercia e të bërit te të parit të gjërave në këtë vend, nga ana tjetër qëndresa e interesave të paprekura, dhe përballë në çdo çast, rezistenca e të gjitha shtresave të kalbura të politikës së vjetër, që jeton me baltë dhe baltos kur të mundet dhe kë të mundet.
Pas 3 vjetësh përpjekje, ne kemi vendosur që të mos presim më shumë për ti ndarë përmes ndarjes së një sasie të madhe buxhetore, frytet e para të këtyre reformave, me ata që në fund të fundit i garantojnë reformat me punën dhe sakrificat e tyre
Gjykojmë se është koha jo thjesht për rritur rrogat e mësuesit, mjekëve, infermierëve, policëve e ushtarakëve e të gjithëve me rradhë, por është koha po ashtu për ti dhënë po ashtu përmes një rritje të ndjeshme të rrogave, të gjitha kësaj force të madhe mbështetëse të reformave, mesazhin e qartë të vetëdijes sime dhe kësaj shumice qeverisëse, se roli i tyre është i pazëvendësueshëm për ti cuar përpara refoirmat. Familjet e tyre meritojnë të marrin sot një shpërblim domethënës, se reformat, vërtet i udhëheqim ne, por janë ata dhe mbështetja e tyre që i bëjnë të mudnura… ashtu sic është koha për ti dhënë një mesazh të gjithë pensionistëve, për ti dhënë një mesazh kuptimplotë, respekti në rradhë të parë, për madhështinë njerëzore që përballojnë jetën, edhe pse në këtë pikë do dua të them… sado të bëjmë ne për pensionistët, nuk do të jetë asnjëherë sa ato meritojnë e aqsa do donim ne të ishte.
Kemi vendosur të lëvizim plot 100 mln dollarë për rrogat dhe pensionet. Sa për të pasur një ide, qeveria e mëparshme ndau nga buxheti i shtetit 124 mln dollarë në 8 vite për rrogat dhe pensionet… në një mandat brenda buxhetit të shtetit kemi ndarë dyfishin e parave që qeveria e shkuar ndau në dy mandate.”- tha Rama.
