Është e drejtë të ndalosh mediat sociale, por pragu i 16 viteve nuk është i duhuri, shifra duhet të përmbyset: 61, shkruan Camillo Langone n Camillo Langone “Il Foglio”. Frymëzimi vjen nga Platoni i cili tek “Ligjet”, një dialog mjaft statist për të qenë i sinqertë, propozon ndalimin e verës për të miturit nën moshën 18 vjeç, për ta lejuar atë me masë për njëzet e tridhjetë vjeçarët, duke e liberalizuar plotësisht vetëm pas moshës dyzet vjeçare: “Kur një burrë hyn në vitin e dyzetë, mund ta ftojë Dionisin të marrë pjesë në ritin e shenjtë të të moshuarve, edhe për gëzimin e tyre, që vetë Perëndia ua ka dhënë njerëzve për t’ua lehtësuar barrën, pra verën”. Dyzet vjeçarët e Greqisë së Lashtë janë gjashtëdhjetë vjeçarët e Perëndimit Modern, sigurisht, ndërsa simpoziumet e dehur të Platonit korrespondojnë me rrjetet sociale të Zuckerber dhe Musk përsa i përket socializimit.
Në moshën 40 vjeç atëherë dhe në gjashtëdhjetë sot, ajo që është bërë është bërë, nëse doni të shkatërroni veten, vazhdoni. Por së pari, duhet ruajtur truri. Duke e përdorur atë. Unë shoh që ndalimi i pjesshëm (për momentin vetëm në Australi) i mediave sociale ka një numër të madh kundërshtarësh, me argumente shpesh të arsyeshme. Por më duket edhe më e arsyeshme të përpiqemi ta shpëtojmë njeriun nga makina që po e gllabëron të gjallë. Mundësia e suksesit? Kam frikë se është e vogël, por do të ishim dembelë po të mos provonim.
Atëherë ky legjislacion në Australi, në dukje joliberal, paradoksalisht mund të jetë çlirues. Moreno Pisto një ditë më parë në Mow jepte përkufizimin më bashkëkohor të socializmit: “Shoqëria në të cilën mbretëron gjykata e rrjeteve sociale”. Të gjitha rrjetet sociale, përveç, pjesërisht X (ish Twitter) janë mbretëri e censurës, me autocensurë relative (Unë tashmë në Instagram duhet të bëj kujdes kur postoj kisha, ura: po ishin këto postime të guximshme që më shkaktuan disa paralajmërime për mbyllje për shkelje të rregullave). Ata që jetojnë në rrjetet sociale jetojnë të kufizuar nga algoritmi, mekanizohen pa e kuptuar. Ndalimi i mediave sociale është një nxitje për të shkëputur zinxhirët dixhitalë. Rroftë Australia! Rroftë kombi i ish-të dënuarve që na bën thirrje të arratisemi!
/bota.al
