Rrjedhje gazi janë raportuar në një fabrikë të Porto Romanos në Durrës. Disa banorë janë evakuuar nga zona.
Në të gjithë zonën, ndihet e fortë dhe mbytëse era e gazit, ndërsa ka mbërritur dhe një autoambulancë pranë fabrikës. Shërbimi zjarrfikës është po ashtu në gatishmëri. Deri më tani nuk sipas njoftimit të policisë nuk ka asnjë person të dëmtuar.
Sipas gazetares së Top Channel, Vali Qyrfyçi ende nuk është vënë nën kontroll plotësisht rrjedhja e gazit.
Më 18 qershor të këtij viti, në depozitat e fabrikës së gazit që ndodhet në një zonë të banuar ra zjarr dhe për disa ditë rresht banorët kërkuan mbylljen e fabrikës. Në zonë kanë shkuar dhe efektivë të policisë.
Të shqetësuar për sigurinë e jetës dhe të ardhmen e fëmijëve, banorë të Porto Romanos kanë protestuar pas incidentit që ndodhi të në fabrikën e gazit në Durrës, duke kërkuar nga autoritetet një zgjidhje të shpejtë të situatës. Shumë familje që jetojnë pranë fabrikës ndjehen të rrezikuar për bashkëjetesën kritike me të.
Njoftimi policisë:
Durrës/Informacion paraprak
Rreth orës 12:30, në Porto Romano, dyshohet se si pasojë e dëmtimit të një cisterne gazmbajtëse të një biznesi (firmë) privat, është çliruar në ajër, një sasi e vogël gazi.
Nga kjo ngjarje nuk ka shtetas të dëmtuar.
Grupi hetimor vijon punën për zbardhjen e plotë të rrethanave të ngjarjes.
/s.f
Prite zot rrezikun, por në se ndodh ndonjë shpërthim, duhet që gjithë njerëzia, ta dinë mirë se, shpërthimi i Gërdecit, do të ishte një lule në saksinë e ballkonit, mbasi ky shpërthim, do të ishte jo më i vogël se 10 ballë, duke rrafshuar gjithë Durresin me gjithë rrethina, shkaterrohej Vora, Fushë Kruja dhe të paktën, gjysma e Tiranës, pa llogaritur dëmin nga DETI, ku do të krijohej një TSUNAMI, që do të përmbyste kushedi sa sipërfaqe toke, mbytje bagëtishë e banesa të zhdukura, plus anijet që mund të ndodheshin afër qendrës së shpërthimit…..
Zoti na ruajt, nga hajdutët e pa ngopur.
Të lutemi e shpresojmë vetëm në ZOT.