Të paktën 281 persona kanë vdekur në 24 orët e fundit si shkak i koronavirusit në Spanjë, duke e çuar në total 24.824 numrin e viktimave që nga fillimi i shpërthimit.
Krahasuar me një ditë më parë shifra ditore e vdekjeve sheh një rritje të lehtë, pasi dje u shënuan 268 të vdekur ndërsa sot 281. Megjithatë situata është më e qetë sesa javët e kaluara, ku vendi po përgatitet për fazën e parë të strategjisë së daljes nga bllokimi.
Ditën e nesërme njerëzit e të gjitha moshave do të lejohen të ushtrojnë për herë të parë ushtrime dhe vrap pas shtatë javësh në izolim. Ndërsa një javë më parë fëmijët u lejuan të luanin e të dilnin jashtë shtëpisë, pasi shoqëroheshin nga një i rritur.
Barcelona ka hapur gjysmën e parqeve të saj dhe ka mbyllur 44 rrugë për trafik në mënyrë që të lehtësojë distancimin shoqëror. Spitali i përkohshëm, i cili u hap për luftën kundër virusit, kishte 5,500 shtretër. Nga mijëra pacientë me koronavirus që u pranuan 98% e tyre mbijetuan.
Në një vlerësim të përkohshëm të ndikimit ekonomik të krizës shëndetësore, qeveria vlerëson se PBB-ja e Spanjës do të bjerë me 9.2% këtë vit. Ministrat thanë se virusi deri më tani i ka kushtuar kombit 139 miliardë euro.
g.kosovari
