Rajoni Autonom Xinjiang Uygur i Kinës veriperëndimore gjeneroi rreth 403 miliardë kWh energji elektrike në vitin 2020, 11.8 për qind më shumë se një vit më parë, thanë të mërkurën autoritetet lokale.
Prodhimi i energjisë termike të rajonit u afrua 326 miliardë kWh vitin e kaluar, një rritje vjetore prej 14.2 për qind, sipas komisionit të rajonit për zhvillimin dhe reformën, shkruan “Xinhua”. Prodhimi i energjisë së erës në rajon arriti 42.3 miliardë kWh pas një rritjeje prej 7.3 për qind nga viti në vit, ndërsa gjenerimi i energjisë diellore u rrit 14.3 për qind, në 12.6 miliardë kWh, tha komisioni.
Prodhimi i energjisë hidrike ra me 9.7 për qind në 22.6 miliardë kWh.
Xinjiang transmeton energji elektrike në 19 rajone të tjera provinciale në Kinë, shumë prej të cilave blejnë energji elektrike nga Xinjiang si një formë e mbështetjes ekonomike për rajonin.
E pasur me burime të energjisë nga era dhe dielli, është gjithashtu një nga rajonet kryesore në të gjithë vendin për sa i përket zhvillimit të energjisë së re.
