Nga Artur Ajazi
U bënë vite që në Shqipëri, drejtësia është në qendër të reformave të mëdha. Në 12 vite të qeverisjes Rama, u investua shumë në ligje, buxhete dhe reforma, por me mbështetje ndërkombëtare për ta bërë sistemin ë drejtësisë më të pavarur, por edhe më të ndershëm.
Pas 3 vitesh, sërish Unioni i Gjyqtarëve i është drejtuar Gjykatës Kushtetuese me një kërkesë që ka ngjallur shqetësim të madh publik, duke kërkuar rritje të pagave me merifete ligjore. Pra, në një vend si Shqipëria, ku qytetarët presin me vite për të marrë drejtësi, ku 140 mijë çështje janë lënë stok dhe besimi tek gjyqësori është thuajse ZERO, gjyqtarët ndër më të paguarit në këtë vend, kërkojnë paga më të larta. Pra, ata nuk pranojnë përgjegjësi për vonesat dhe vendimet ë gabuara, por duan më shumë para.
Duan më shumë rroga të larta, dhe jo pak, por mbi 700 euro shtesë. Morali këtu është ZERO, ashtu siç është ZERO edhe kërkesa e gjyqtareve për rritje pagash. Ka 35 vjet, që sistemi gjyqsor akuzohet dhe denoncohet nga qytetarët shqiptarë për korrupsion, dhe lidhjet e tyre me rrjete trafikantësh dhe bandat kriminale. Ka 35 vjet, që sistemi gjyqsor fut në sherre dhe vëllavrasje me vendime antiligjore, individë dhe familje për pronat, duke ë kthyer sistemin në katrahurë.
Kërkesa e Unionit të Gjyqtarëve lidhet me rikthimin e skemës së vjetër, duke ë lidhur pagën e tyre me atë të drejtorit të përgjithshëm në Kryeministri. Pra, gjithmonë që rritet paga e këtij pozicioni pune në Kryeministri, duhet të rritet edhe paga e gjyqtarëve. Një kërkesë antikushtetuese. Sipas nenit 138 të Kushtetutës“pagat e gjyqtarëve nuk mund të ulen, por nuk garantohet rritje ë tyre, për çdo rritje pagash të një zyrtari tjetër”.
Kërkesa për rritje të re pagash nga gjyqsori, nuk është morale, dhe nuk ka lidhje me drejtësinë. Ata kërkojnë tjetër privilegj financiar , duke rrezikuar abuzimin me ligjet kushtetuese.
Një drejtësi si kjo ë jona, që kërkon vetëm para, pa reflektuar mbi akuzat dhe denoncimet e mijëra qytetarëve që presin vendime të drejta, është një drejtësi që nuk ka mision.
Një Shqipëri, që pretendon të shkojë drejt BE, duhet të ketë një drejtësi që ka mision të mbrojë të drejtën ë qytetarit, të japë vendime të pavonuara dhe të bazuarambi ligje, dhe jo të kërkojë vetëm para nga qeveria. Kërkesa ë Unionit të Gjyqtarëve për rritje të madhe pagash, mbetet një shaka e panevojshme, e cila natyrisht nuk merret parasysh as nga Kushtetuesja, dhe as nga Edi Rama.
