Ekonomia e Eurozonës u rrit në tremujorin e dytë të vitit, por me një ritëm të ngadalësuar krahasuar me tremujorin paraardhës, bëri të ditur Banka e Shqipërisë, duke nenvizuar faktin se kjo ecuri pozitive jep ndikim edhe në ekonominë shqiptare.
Sipas BSH-së, komponentët ku është mbështetur rritja ekonomike kanë qenë eksportet neto dhe shpenzimet konsumatore. Ndonëse niveli i papunësisë ka mbetur i pandryshuar, punësimi vijon të rritet. Ky fenomen, së bashku me çmimet e ulëta të naftës, kanë ndikuar në rritjen e të ardhurave të disponueshme të familjeve, çka është përkthyer në rritje të shpenzimeve konsumatore.
Përçimi i politikës monetare në tregjet financiare dhe lirimi i kushteve të kreditimit pritet të sjellin një rritje të mëtejshme të konsumit dhe një përmirësim të investimeve në tremujorët në vazhdim. Megjithatë, citon BSH-ja në raportin e publikuar se fundi, aktiviteti tregtar pritet të ndikohet negativisht nga dalja e Mbretërisë së Bashkuar nga Eurozona. Pasojat tërësore të Brexit-it mbeten ende të paqarta. Inflacioni ka ndjekur një trajektore rritëse gjatë muajve të fundit, por ai vijon të mbetet në nivele të ulëta dhe larg objektivit të Bankës Qendrore Evropiane.
Sipas parashikimeve të fundit të BQE-së, inflacioni pritet të rritet mbi nivelin 1% në vitin e ardhshëm, për t’iu afruar objektivit 2% vetëm në vitin 2018. Raporti tremujor i politikës monetare, 2016/IV Raporti tremujor i politikës monetare, 2016/IV 16 Banka e Shqipërisë Banka e Shqipërisë 17 Sipas ndarjes gjeografike, ekonomitë me rritjen më të shpejtë në Eurozonë kanë qenë Gjermania, Spanja dhe Holanda, ndërsa Italia dhe Franca nuk kanë shfaqur rritje në tremujorin e dytë. Në veçanti, ekonomitë e vendeve partnere tregtare, si Greqia dhe Italia, kanë treguar një ecuri të dobët në tremujorin e dytë të vitit. Ekonomia italiane është rritur në terma të ngadaltë, ndërsa ekonomia greke ka vijuar të shfaqë norma rritjeje negative. Normat e inflacionit kanë vijuar të jenë të ulëta në të dy vendet, por me dinamika të kundërta: në Itali ajo ka kaluar në territor pozitiv, duke ndjekur një trajektore rritëse, ndërsa në Greqi ajo është rikthyer në vlera negative, pas një rritjeje disamujore, veren raporti i BSH-së./ATA/am.
