Zonat bregdetare të Kinës janë në rrezik në rritje duke pasur parasysh ritmin e përshpejtuar me të cilin janë rritur nivelet e detit përgjatë zonave bregdetare të vendit gjatë 40 viteve të fundit. Shqetësimi është ngritur nga një buletin zyrtar i lëshuar nga Ministria e Burimeve Natyrore, raporton “Xinhua”.
Në buletin parashikohet që niveli i detit përgjatë bregdetit kinez do të rritet nga 55 në 170 mm gjatë 30 viteve të ardhshme dhe vërehet se nga 1980-a deri në 2020-n, ky nivel është rritur me një normë luhatëse prej 3.4 mm në vit, duke regjistruar një rritje më të lartë se mesatarja globale për të njëjtën periudhë.
Në buletin thuhet se në vitin 2020, nivelet e detit përgjatë brigjeve kineze ishin 73 mm më të larta se norma e viteve të mëparshme, duke shënuar kulmin e tretë që nga viti 1980.
Në fund, dokumenti thotë se Kina duhet të mbrojë brigjet e saj bazuar në një vizion ekologjik dhe të përmirësojë globalisht përshtatshmërinë e rritjes së nivelit të detit.
