Rritja e çmimit të miellit e bukës, Autoriteti i Konkurrencës kontrolle nëpër furra dhe kompani mielli, pritet të merren masa
Vetem pak dite pas shtrenjtimit të çmimit të miellit e bukës pothuajse në të gjithë vendin, Autoriteti i Konkurrences ka nxjerrë ne terren inspektorët për të verifikuar informacionet e marra.
Pas monitorimit të tregut do të vendoset nëse do ketë apo jo hetim për kompanitë e miellit dhe furrat.
Nga ana tjetër shoqata e Prodhuesve të Bukës, thotë se rritja e çmimit të bukës është reflektuar si pasojë e shtrenjtimit të miellit në treg, dhe i produkteve të tjera, si vaj apo margarina.
Kurse Adi Haxhiymeri, nga Shoqata e industrisë së përpunimit të miellit thotë se rritje e çmimit do të vijojë edhe në javët në vijim dhe mund të arrij deri në 20%. Sipas tij shtrenjtimi i miellit ka ardhur si pasojë e luhatjeve në bursën ndërkombëtare, pasi është ulur prodhimi i grurit me 20 milionë ton më pak, nga të cilat 15 milionë ton më pak i ka Rusia nga ku edhe furnizohemi.
Përpos miellit dhe çmimit të bukës, operatorët e tregut paralajmërojnë një rritje të shpejtë të çmimit të makaronave.
Sikur të mos mjaftonte goditja që solli pandemia, rritja e çmimeve do të rëndojë edhe më shumë xhepat e qytetarëve.
/m.j
