Rritet me 60% pagesa bazë e papunësisë, e cila nga 6850 lekë, bëhet 11 mijë lekë në muaj. Ky është vendimi më I fundit I qeverisë I marrë sot në mbledhjen e saj, duke u vlerësuar rritja më e madhe pas shumë vitesh. Me rritjen prej 60 % të nivelit bazë të pagesës së papunësisë, Shqipëria përmbush edhe detyrimin që lind nga konventa ndërkombëtare e ILO-s në të cilën thuhet se pagesa e papunësisë duhet të jetë të paktëm sa 50 % e pagesës minimale në shkallë vendi. Nga ana tjetër ata që kanë kontribuar më shumë në skemë, do të përfitojnë më gjatë pagesën e papunësisë. Zyrat e punësimit në të gjithë Shqipërinë, do ti ofrojnë falas çdo përfituesi të pagesës së papunësisë mundësinë për të thelluar njohuritë e tyre profesionale pranë qendrave të formimit profesional. Gjatë dy viteve të fundit, numri i pjesëmarrësve në këto programe është dyfishuar, nga 8000 në vitin 2013, në 17 mijë në vitin e fundit.
(javanews.al)
