Drejtoria e Përgjithshme e Patentave dhe Markave shënon numrin më të madh ndër vite të aplikimeve për regjistrim të Markave Tregtare dhe të Shërbimit. Deri në fund të muajit nëntor, janë regjistruar mbi 1000 aplikime, ndërkohë që numri i tyre rritet çdo ditë.
Sipas DPPM-së, kjo shifër është tregues i rritjes së nivelit të ndërgjegjesimit të biznesit për përfitimet e mbrojtjes së pronës industriale.
Mbrojtja e markave në territorin shqiptar ka efekt të drejtpërdrejtë në sigurimin e konkurrencës së ndershme dhe krijimin e një tregu të besueshëm dhe atraktiv edhe për kompanitë e huaja.
Rritje të ndjeshme të aplikimeve ka edhe për Patentat për shpikjet nga shtetas shqiptarë. /a.m.
