Njësia policore britanike për luftë kundër terrorizmit njoftoi se janë “thellë të shqetësuar” për shkak të numrit në rritje të vajzave dhe grave nga Britania e Madhe që shkojnë në Siri.
Të dhënat e fundit të policisë britanike tregojnë se gjatë vitit të kaluar nga territori britanik në Siri kanë shkuar 56 vajza, në mesin e të cilave edhe një e mitur. Ky numër, siç thekson policia është rritur nëse merret parasysh informacioni se në vitin 2014 në Siri kanë shkuar 43 vajza nga Britania e Madhe.
Policia këto të dhëna i publikoi përmes një filmi të shkurtër i cili tregon tre vajza siriane të cilat bisedojnë për jetën dhe vendin e tyre. Sipas të dhënave të policisë, numri më i madh i vajzave dhe grave që kanë shkuar në Siri, asnjëherë më nuk janë kthyer në shtëpi.
