Rritet numri i të vdekurve nga mbidoza e drogës në Kosovë
Numri i përdoruesve të lëndëve narkotike edhe këtë vit mbetet një problem në rritje. Kureshtja e të rinjve për të eksperimentuar dhe naiviteti i drogave të lehta morën jetën e rreth 6 deri 7 për qind nga 1200 përdorues problematik që janë të regjistruar në qendrën rehabilituese “Labyrinth”.
E në Klinikën Psikiatrike të Qendrës Klinike Universitare aktualisht janë 21 pacientë që po marrin Metadonin me dozat e tyre ditore, kurse në repartin e varësisë me qëllim të detoksimit janë të shtrirë dy pacientë.
Megjithatë, numri i të arrestuarve për kontrabandim me narkotikë nga Policia e Kosovës gjatë periudhës kohore janar-korrik të këtij viti ka shënuar ulje në krahasim me periudhën e njëjtë të vitit paraprak.
