Në qytetin e Vlorës, specialistët e shëndetit mendor ngrenë alarmin pasi depresioni po prek gjithnjë e më shumë moshat e reja.
Sipas mjekes psikiatre të Spitalit Psikiatrik Rajonal “Ali Mihali”, Ejona Shaska, të rinjtë po përballen me një sërë faktorësh që po ndikon direkt në shëndetin e tyre mendor.
“Grupmosha që fillon të shfaqet më shumë çrregullime depresive është grupmosha 18 deri në 25 vjeç. Faktorët e brendshme kanë gjenetikën, por janë edhe këto balancat neurokimike dhe ulja e hormonit të lumturisë e cila jep çrregullime depresive madhore”, tregoi mjekja.
Përdorimi i substancave narkotike apo alkoolit renditet si faktori më shpeshtë i cili ndikon jo vetëm më depresion, por deri në çrregullime psikotike.
“Ditët e sotme janë rritur shumë abuzimet me alkoolin dhe substancat që mund të çojnë jo vetëm me çrregullime depresive, por edhe ato psikotike”, deklaroi ajo.
Por cilat janë shenjat e para që duhet të dimë, për t’i ardhur në ndihmë kujdo që preket nga depresioni.
“Shenjat e para të depresionit janë tërheqja, mbyllja në vetvete, izolimi dhe humori i rënë”, tha mjekja.
Mjekët apelojnë për kontrolle tek psikologu dhe psikiatri, si një ndër hapat e duhur për të parandaluar ankthin, depresionin si dhe problemet e tjera që shfaqen e që lidhen me shëndetin mendor.
