Organizata ndërkombëtare joqeveritare “Save the Children” ka thënë se numri i emigrantëve që po mbërrijnë në ishujt grekë gati është dyfishuar në javët e fundit, duke i mbipopulluar kampet e refugjatëve.
Deri më tani në këtë muaj, është raportuar për 1.367 emigrantë që kanë mbërritur në Greqi, krahasuar me 1.721 në tërë muajin maj, raporton BBC, përcjell Express.
Sipas kësaj organizate, rritja në numrin e emigrantëve vjen kryesisht për shkak të pasigurisë që nga puçi dështuar në Turqi muajin e kaluar.
Pasi që më shumë se një milion emigrantë kaluan Evropën në vitin 2015, Turqia u pajtua në muajin mars që të ndihmojnë në frenimin e valës së emigrantëve.
Shumica e emigrantëve kanë mbërritur në ishujt grekë nga bregdeti perëndimor i Turqisë, citohet “Express”. (b.an)
