Mosha mesatare e popullsisë në Kosovë parashikohet të rritet në 49 vjeç.
Kjo sipas raportit të fundi mbi projeksionet e popullsisë deri në vitin 2060 të publikuar nga Agjencia e Statistikave të Kosovës.
Sipas profileve komunale, Prishtina mbetet komuna me popullsinë më urbane, ndërsa Dragashi komuna me popullsinë më rurale.
Në bazë të rezultateve të regjistrimit të popullsisë, Kosova ka 1 milionë e 602 mijë e 515 banorë.
Në vitin 2011, kur është realizuar regjistrimi paraprak i popullsisë, mosha mesatare ka qenë rreth 30 vjeç, ndërsa në regjistrimin e 2024-s ishte rreth 35 vjeç.
Regjistrimi i popullsisë është kryer edhe në katër komunat në veri të Kosovës, në atë të Mitrovicës Veriore, Zubin Potokut, Leposaviçit dhe Zveçanit.
Por as këtë herë nuk kanë marrë pjesë shumë nga banorët në këtyre komunave të banuara me shumicë serbe në veri të Kosovës.
Sipas agjensisë së Statistikave në Kosovë në këto komuna jetojnë rreth 15 mijë banorë, por vetëm 6.708 kanë marrë pjesë në regjistrim.
Në regjistrimin e 2024-tës të popullsisë, për herë të parë, është bërë edhe një vlerësim i dëmeve të shkaktuara nga lufta e fundit në Kosovë, gjatë viteve 1998-99.
Sipas autoirteteve, dëmet materiale të luftës janë vlerësuar me mbi 5 miliardë euro.
