Totali i aseteve neto në tregun e pensioneve private vullnetare u rrit me 13.46 % në fund të qershorit krahasuar me fundin e vitit 2016.
Analiza e të dhënave të Autoritetit të Mbikëqyrjes Financiare për tregun e pensioneve private vullnetare më 30.06.2017 tregon një total asetesh neto prej 1,496.25 milionë lekë dhe me një rritje prej afro 177.51 milionë lekë (13.46%) krahasuar me fundin e vitit 2016. E shprehur në euro, totali i aseteve neto është 11.28 milionë euro.
Numri i anëtarëve në fondet e pensioneve, më 30.06.2017 ishte 19,514 anëtarë duke shënuar rritje prej 12.69% krahasuar me fundin e vitit 2016.
Gjatë tremujorit të dytë të vitit 2017, në tregun e pensioneve private vullnetare ushtruan aktivitetin e tyre tre fonde pensioni./a.m.
