Zëvendëskryeministri i Italisë, Luigi Di Maio, është takuar me njërën nga figurat më të dalluara të protestuesve në Francë. Ky veprim i politikanit të njohur italian pritet t’i rrisë tensionet e marrëdhënieve mes Francës dhe Italisë.
Di Maio, së bashku me Alessandro Di Battistan,, u takuan me Christophe Chalençon dhe me kandidatët e propozuar nga protestuesit për pjesëmarrje në zgjedhjet e Parlamentit Evropian, të cilat do të mbahen në muajin maj. Takimi u zhvillua në periferi të Parisit, ndërsa Di Maio e ka quajtur të bukur këtë takim.
“Erërat e ndryshimit i kanë kapërcyer Alpet. Përsëris. Erërat e ndryshimit i kanë kapërcyer alpet”, shkroi Di Maio në rrjetët sociale, ku e publikoi edhe një fotografi nga takimi i mbajtur. Ai edhe më herët i ka lavdëruarit protestuesit e Francës, të cilët kohë pas kohe kanë organizuar edhe protesta të dhunshme gjatë dy muajve të kaluar. Ai u kishte bërë thirrje protestuesve që të mos dorëzohen.
Di Maio tha se lëvizja e tij ka shumë qëndrime dhe vlera të përbashkëta me lëvizjen e protestuesve francezë në betejat për popullin, të drejtat sociale, demokracinë e drejtpërdrejtë dhe mjedisin.
Në anën tjetër, Chalençn ka thënë se të dyja palët praktikisht pajtohen për gjithçka, por ende nuk kanë biseduar për ndërtimin e një aleance për zgjedhjet e Parlamentit Evropian. Është raportuar se zyrtarët e partisë së Di Maios do të takohen me udhëheqësin e listës zgjedhore të protestuesve gjatë javës së ardhshme në Romë, shkruan “The Guardian”.
/a.meta
