Sipas MeteoAlb: Pjesa e parë e ditës do të jetë në dominimin e kthjellimeve në ultësirën perëndimore dhe kalimeve të pakta të vranësirave në zonat malore. Ndërsa në pjesën e dytë të ditës parashikohet që vranësirat e lehta të bëhen më të dukshme në zonat malore dhe të shfaqen në zonën e ulët. Por vija bregdetare do të vijoj në ndikimin e motit të kthjellët.
Temperaturat e ajrit do të vijojnë të rriten në mëngjes dhe në mesditë duke luhatur vlerat ditore nga -2°C deri në 16°C.
Era do të fryjë e lehtë në tokë dhe në det me shpejtësi 25 km/h nga drejtimi Veriperëndimor duke krijuar dallgëzim të ulët.
Kosova
Paraditja në Kosovë do të jetë në dominimin e motit të kthjellët në pjesën më të madhe të territorit. Ndërsa mesdita dhe pasditja sjellin kalime vranësirash në zonat Lindore dhe Qëndrore, POR zona perëndimore e Kosovës do të vijoj të jetë në mbizotërimin e kthjellimeve.
Maqedonia e Veriut
Republika e MV në pjesën më të madhe të territorit paraqitet në ndikimin e motit të kthjellët përgjatë gjithë ditës. Ndërsa në zonat Veriperëndimore dhe Jugperëndimore gjatë orëve të mesditës dhe pasdites pritet të ketë kalime të pakta vranësirash, por nuk do të gjenerojn reshje.
g.kosovari
