Janë rritur infektimet me COVID në 24 orët e fundit në vendin tonë. Ministria e Shëndetësisë raporton se nga 1078 testime të kryera kanë rezultuar pozitivë me COVID 93 qytetarë. Ndërsa një ditë më parë u raportuan 18 raste të reja. Në 24 orët e fundit nuk ka asnjë humbje jete nga virusi.
93 qytetarë kanë rezultuar pozitivë me COVID në këto bashki: 26 në Tiranë, 13 në Sarandë, nga 5 qytetarë në Shkodër, Durrës, Lushnje, 4 në Gjirokastër, nga 3 qytetarë në Pukë, Krujë, Divjakë, Himarë, Berat, nga 2 qytetarë në Elbasan, Korçë, Kukës, nga 1 qytetar në Tropojë, Lezhë, Kamëz, Dibër, Fier, Mallakastër, Vlorë, Selenicë, Delvinë, Libohovë, Përmet, Tepelenë, Maliq, Gramsh.
Janë 461 pacientë aktivë me COVID-19 në të gjithë vendin.
Aktualisht në spitalin COVID3 po marrin trajtim 19 pacientë, nga të cilët 3 janë në gjendje më të rënduar. Janë shëruar 51 qytetarë gjatë 24 orëve të fundit, duke e çuar numrin e të shëruarve në 269,307 që nga fillimi i epidemisë.
Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. “Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet. Çdo qytetar mbi 12 vjeç, mund të vaksinohet në qendrën shëndetësore ose në pikën më të afërt të vaksinimit të përqëndruar. Vaksinimi është i hapur edhe për fëmijët +12 vjeç me probleme të sistemit imunitar, me rekomandim nga mjeku. MSHMS apelon të gjithë qytetarët e vaksinuar me dy doza, të drejtohen në qendrat shëndetësore ose pikat e vaksinimit të përqëndruar, për t’u vaksinuar me dozën e tretë përforcuese, sipas rekomandimit të mjekut të familjes. Nëse dyshoni se jeni të prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127”.
Statistika (24 Mars 2022)
Raste të reja ditore 93
Të shëruar në 24 orë 51
Të shtruar në spitale 19
Humbje jete në 24 orë 0
Testime ditore 1078
Testime totale 1,770,982
Raste pozitive 273,257
Raste të shëruara 269,307
Raste Aktive 461
Humbje jete 3,489
Shpërndarja gjeografike e rasteve aktive sipas qarqeve:
Tiranë 204
Fier 73
Vlorë 65
Elbasan 22
Gjirokastër 19
Shkodër 15
Kukës 14
Durrës 14
Korçë 13
Berat 9
Dibër 7
Lezhë 6
/b.h
