Të ardhurat nga eksporti i produkeve bujqësore dhe blektorale, për gjysmën e parë të vitit, rezultojnë në vlerën e 12.5 miliardë lekëve nga 9.8 miliardë lekë që ishin në të njejtën periudhë të vitit 2015.
Duke iu referuar shifrave, rezulton se 6-mujori i parë i 2016 ka realizuar 2.7 miliardë lekë më shumë se e njëjta periudhë e një viti më parë.
Sipas statistikave zyrtare, të bëra publike nga Ministria e Bujqësisë, eksportet e prodhimeve bujqësore, blegtorale dhe agropërpunuese në vend, shënuan një rritje me 28% , krahasuar me një vit më parë.
Blegtoria ka shënuar rritje 58%, krahasuar me vitin 2015, ndërsa vlera në para e siguruar për këtë periudhë është 2.2 miliardë lekë. Sa i përket eksportit të prodhimet bujqësore, ato janë 27% më shumë krahasuar me 2015, ndërsa të ardhurat në lekë janë 5.6 miliardë lekë.
Agroindustria, edhe pse ka rritjen më të vogël, përsëri është rritur me 17%, më shumë krahasuar me një vit më parë, ndërsa vlera e të ardhurave është 4.6 miliardë lekë. Këto të dhëna janë të sektorit të statistikave në Ministrinë e Bujqësisë./a.r.
