Tre persona janë arrestuar në Tiranë për dhunë fizike e psikologjike ndaj grave të tyre.
46-vjeçari Agron Bilbili, i dënuar më parë, në mënyrë të vazhdueshme ka dhunuar fizikisht dhe psikologjikisht bashkëjetuesen e tij, shtetasen L.T., 39 vjeç, duke i shkaktuar një gjendje të rënde ankthi dhe frike. Ndaj tij rëndon akuza për veprën penale “Dhunë në familje”.
Në rrugën “Don Bosco” u vu në pranga Namik D., 39 vjeç, i cili, për motive pronësie, ka goditur me pëllëmbë dhe ka dhunuar fizikisht bashkëshorten e tij, shtetasen R. D., 27 vjeç.
Dje u arrestua edhe 35-vjeçari Altin Allmuça, pasi në kohë dhe në vende të ndryshme, ka përndjekur ish-bashkëshorten e tij shtetasen E. M., 31 vjeç, duke i shkaktuar ankth dhe frikë.
BW/d.i.
