Parlamenti i Francës votoi sot rrëzimin e qeverisë së kryeministrit François Bayrou. Asambleja Kombëtare Franceze votoi 364 pro dhe 194 kundër për ta shkarkuar atë nga detyra dhe për të rrëzuar qeverinë e tij.
Kryeministri François Bayrou do t’ia dorëzojë dorëheqjen e tij Presidentit Emmanuel Macron nesër.
Ishte vetë kryeministri, në fund të gushtit, ai që vendosi të thërriste votëbesimin e 42-të të Republikës së Pestë, një vendim që i zuri të gjithë në befasi duke qenë se ai nuk ka shumicën në Kuvend. Kështu, ai e ekspozoi veten ndaj rrezikut, i cili tani është bërë pothuajse i sigurt – të refuzimit.
