Një helikopter i Marinës amerikane u rrëzua të martën pasdite në brigjet e San Diego, Kaliforni, duke nxitur një operacion kërkimi dhe shpëtimi nga deti dhe ajri, sipas Flotës së 3-të të Marinës Amerikane.
Autoritetet thanë se njjë person u shpëtua dhe pesë të tjerë u zhdukën pasi helikopteri i Marinës amerikane u rrëzua në Oqeanin Paqësor të martën pasdite.
Helikopteri MH-60S u përplas në det rreth 60 milje detare nga brigjet e San Diego gjatë një operacioni rutinë fluturimi në 4:30 pasdite, thanë zyrtarët ushtarakë, citon noa.al.
Avionë dhe anije të shumta të Rojës Bregdetare dhe Marinës po kryejnë operacionin e kërkimit dhe shpëtimit, thanë zyrtarët.
Të paktën një anëtar i shërbimit është shpëtuar dhe pesë të tjerë janë zhdukur, thanë zyrtarët ushtarakë.
Është e paqartë se sa marinarë ishin në bordin e avionit, i cili u nis në USS Abraham Lincoln, sipas njoftimit.
San Diego është shtëpia e bazës së dytë detare më të madhe të SHBA.
MH-60S është një helikopter që zakonisht mbart një ekuipazh prej katër vetësh dhe përdoret në misione duke përfshirë mbështetjen luftarake, ndihmën nga fatkeqësitë humanitare dhe operacione kërkim-shpëtimi.
/b.h
