Të paktën shtatë persona humbën jetën pasi një helikopter, i angazhuar në operacionet për shuarjen e zjarreve pyjore, u rrëzua në një park kombëtar në perëndim të Argjentinës.
Sipas autoriteteve, helikopteri tip Bell 412 humbi kontaktet të mërkurën në mëngjes në Parkun Kombëtar Ischigualasto, rreth 1,200 kilometra larg kryeqytetit Buenos Aires.
Guvernatori i provincës San Juan, Marcelo Orrego, konfirmoi se të shtatë personat që ndodheshin në bord humbën jetën. Mes viktimave janë drejtues të lartë të zjarrfikësve, policisë, mbrojtjes civile dhe Agjencisë Federale të Menaxhimit të Emergjencave (AFE).
Sipas AFE-së, helikopteri po përdorej për një mision stërvitor dhe kishte si destinacion provincën fqinje La Rioja, ku do të angazhohej në operacionet për kontrollin e një zjarri pyjor.
Agjencia bëri të ditur se vendi i rrëzimit u identifikua nga një avion tjetër që ndodhej në zonë.
Menjëherë pas incidentit, ekipet e kërkim-shpëtimit u nisën drejt vendngjarjes, e cila, sipas mediave lokale, ndodhet në një zonë të izoluar dhe me terren të vështirë për t’u aksesuar.
Con profundo dolor recibimos la noticia del accidente de helicóptero ocurrido en nuestra provincia, en el que tristemente perdieron la vida siete personas. Entre ellas, Carlos Heredia, director de Protección Civil; el comisario general Germán Videla, subjefe de la Policía de San…
— Marcelo Orrego (@DrMarceloOrrego) July 29, 2026
Los últimos rastros del helicóptero que cayó en Valle Fértil pic.twitter.com/Mi1hUdJrD9
— Tiempo de San Juan (@tiempodesanjuan) July 29, 2026
