Është zhvilluar me debate mbledhja e kryesisë së Partisë Demokratike. Mbledhja e thirrur për miratimin e kandidaturave për kreun e kësaj partie, ka shërbuer si ‘arenë’ debatesh mes kundërshtarëve dhe mbështetësve të kryetarit aktual Lulzim Basha.
Kryesia e Partisë Demokratike ka dalë me një vendim duke vendosur vetëm dy emra në garën për kryetar të saj. Emrat janë Lulzim Basha dhe Eduart Selami.
Ndërkohë ajo që ra në sy është fakti se ky i fundit ka munguar në mbledhje. Drejtuesi i Departamentit të Pronave në PD, Gent Malko, ka deklaruar se procedura e nisur është në shkelje të statutit.
“Të anulojmë procedurën e nisur për kryetarin e PD. Procedura është anti-statutore”, deklaroi Malko i cili ka kërkuar hedhjen në votim të rendit të ditës.
Kjo kërkesë për ndryshimin e rendit të ditës u hodh në votim të hapur. Me shumicë votash ajo u rrëzua. Vetëm 11 anëtarë, kundërshtarë të Bashës votuan për ndryshimin e rendit të ditës. Ra në sy se mes kundërshtarëve të Bashës u rreshtua edhe dhëndri i ish-kryeministrit Berisha, Jamarbër Malltezi, ai ka kërkuar analizë për rezultatin e zgjedhjeve. Malltezi e ka cilësuar qesharak procesin e zhvilluar kaq shpejt për zgjedhjen e kryetarit dhe kandidaturat e dala.
Ndërkohë më herët nënkryetari i PD Edi Paloka, i cili drejtoten mbledhjen, ka deklaruar se janë në garë 8 kandidatë. Ai ka kërkoi që në garën për kreun e partisë të caktohen dy emra për votim, duke propozuar emrat e Bashës dhe Selamit, që më pas u kthye në vendim.
Nga anëtaret e Kryesisë mungojnë Ridvan Bode, Genc Ruli dhe Jorida Tabaku. Deri tani në Kryesi kanë aplikuar 8 kandidatë. Afati për regjistrimin e kandidatëve skadoi mbrëmë në mesnatë dhe se Astrit Patozi nuk është ende një kandidat zyrtar. Ai bëri përgjegjës Bashën për prishjen e garës. Po ashtu ai ka thënë se nuk është tërhequr nga kandidimi por duhen krijuar kushtet e barabarta.
/a.m.
