Shtetet e Bashkuara të Amerikës, fuqia kryesore ushtarake e botës dhe e Aleancës së Atlantikut të Veriut, ku aderon edhe Turqia, i doli në mbrojtje kësaj të fundit pas incidentit me avionin rus. Kështu SHBA mbron versionin turk për ngjarjen, sipas të cilit avioni rus ishte paralajmëruar se ishte shkelur hapësirën ajrore të Turqisë.
Në një deklaratë për mediat, zëdhënësi i Pentagonit Steve Warren, deklaroi se komunikimi i pilotëve është bërë nëpërmjet kanaleve të hapura.
“Kemi mundur ta dëgjojmë krejt atë që ka ndodhur, komunikimi është zhvilluar nëpërmjet kanaleve të hapura” transmeton AFP.
I pyetur nëse mund të konfirmojë pohimet e turqve se 10 herë kanë paralajmëruar kolegët e tyre ruse, Warren ka thënë “Po. Mund ta pohoj këtë” ka thënë ai.
