Gjat bisedës në episodin e ri të Apostrof Podcast, kirurgu estetik Dr. Panajot Papa ngre shqetësimin për mungesën e kontrollit dhe etikës në industrinë estetike në Shqipëri.
Sipas tij, ndërhyrjet po banalizohen dhe po ushtrohen nga persona pa përgatitje të duhur mjekësore.
“Duhet të kemi kujdes. Kirurgjia plastike është ai limiti, aq i bukur, por edhe ai limiti ku personi është shumë i dobët para një profesionisti. Dhe, nëse profesionisti është serioz, do bëjë gjënë e duhur. Por, në këto momente në Shqipëri kemi klinika, të cilat nuk mund të quhen klinika, që merren me anën estetike dhe për arsye fitimprurëse injektojnë acide, apo çdo lloj produkti. Duhet të kemi kujdes. Çdo lloj injeksioni nën lëkurë është një akt mjekësor dhe një akt që duhet kryer nga specialisti dermatolog ose kirurgu plastik”, tha ai.
