Plazhet dhe pishinat janë në pikun e frekuentimit të tyre. E ndësa të gjithë pushuesit synojnë banjot e zgjatura në diell dhe ujë, mjekët dermatologë e shohin me një tjeter sy.
Mjekja Monika Fida rekomandon kontrollin e lëkurës dhe nishaneve para se të ekspozohemi në diell.
Vetëm specialisti mund të identifikojë problemet apo ndryshimet e nishaneve. Në orët e para të mëngjesit dhe mbrëmja për dermatologët janë më të këshilluara për të marrë rreze.
Mjekët theksojnë përdorimin e kremrave mbrojtës ndihmuar nga kapelet, syzet dhe veshjet e lehta.
Kujdes të veçantë duhet të tregohet për fëmijët dhe personat me lekurë të çelët, shkruan A2.
Mjekët terheqin vëmendjen veçanërisht ndaj të rinjve. Nuk duhet të përdorin nxirjen artificiale apo me solar siç njihet ndryshe dhe më pas t’i drejtohen plazhit. Kjo metodë është e dëmshme për shëndetin e lekurës dhe nishaneve.
Kanceri i lëkurës është ndër 5 sëmundjet tumorale më të shpeshta në popullatën botërore. Sipas Organizatës Botërore të Shëndetësisë, 1,2 milionë raste të reja regjistrohen çdo vit me këtë sëmundje, e cila ka agresivitet të lartë krahasuar me kancerët e tjerë.
