Një 32-vjeçar që drejtonte makinën “Mazda” me targa AA 002 LJ në Memaliaj është shpallur në kërkim pasi nuk i është bindur urdhrit të policisë dhe është largur me shpejtësi duke rrezikuar edhe jetën e efektivëve.
“Nga Shërbimet e Policisë u bë shpallja në kërkim e shtetasit A.T, 32 vjeç, banues në Tiranë”, thuhet në komunikatë.
Sipas burimeve të policisë. një ditë më parë, rreth orës 23:30, në vendin e quajtur “Kthesa e Luftinjës”, punonjësit e policisë i kanë bërë shenjë të ndalonte, por shtetasi A.T është larguar me mjetin tip “Mazda”, me targa AA 002 LJ, duke rrezikuar seriozisht jetën e punonjësve të policisë.
Menjëherë Shërbimet e Policisë janë vënë në ndjekje të automjetit por ky shtetas ka braktisur automjetin në lagjen nr 4 të qytetit Memaliaj.
Pas kontrollit të ushtruar, në bagazh të këtij automjeti u gjet dhe u sekuestrua në cilësinë e provës materiale një sasi prej 10.3 kg lëndë e dyshuar narkotike si ajo e llojit Cannabis Sattiva.
Materialet në ngarkim të këtij shtetasi i kaluan Prokurorisë së Rrethit Gjyqësor Gjirokastër për veprime të mëtejshme ,për veprën penale “Prodhim dhe shitje narkotikësh” parashikuar nga neni 283 i Kodit Penal.
Panorama/d.i.
