Rregullatori shtetëror rus i medias, Roskomnadzor, ka paralajmëruar mediat ruse se do të përballen me sanksione të ashpra nëse publikojnë intervistat me presidentit ukrainas Volodymyr Zelensky.
Rregullatori paralajmëroi mediat se nuk duhet të publikojnë intervistën dhe se ndaj tyre “ka nisur një hetim për të identifikuar shkallën e përgjegjësisë dhe çfarë vendimi do të merret” në lidhje me mediat që kanë kryer intervistën.
Roskomnadzor vëren se disa nga mediat që kryen intervistën janë përcaktuar “agjentë të huaj” në Rusi. Më herët, gazeta liberale ruse Meduza njoftoi se kishte intervistuar Zelensky, së bashku me Dozhd TV dhe gazetën ruse Kommersant.
Meduza dhe Dozhd janë bllokuar në Rusi dhe Dozhd ka pezulluar të gjitha aktivitetet gazetareske.
Rusia kohët e fundit ka miratuar ligje të reja që kufizojnë mënyrën në të cilën mediat ruse mund të raportojnë për luftën në Ukrainë. Ligjet më të rrepta, kundër shpërndarjes së lajmeve të rreme mbi aktivitetet e Forcave të Armatosura Ruse, mbartin akuza të rënda penale deri në 15 vjet burg./m/j
