Kryeministri Edi Rama ka pritur në kryeministri policin Fadil Allaraj, që dëmtoi syrin gjatë protestës për Klodian Rashën, dhe familjen e tij.
Në bashkëbisedim me kryeministrin, polici u shpreh se ndërhyrja ka qenë shumë e vështirë dhe ka zgjatur 6 orë, por fatmirësisht çdo gjë shkoi mirë dhe ai do të rikuperohet plotësisht.
“Mjekët thonë është shumë mirë. Ndërhyrja ka qenë e vështirë, zgjati 6 orë operacion se kam patur edhe një dëmtim tjetër, që nuk u duk fillimisht”, tha ai.
Ndërkohë Rama tha se polici u dërgua në Turqi, pasi për dëmtimin që kishte marrë ai, ndërhyrja bëhej vetëm në pak vende të botës.
“Mjekët tanë paragjykohen shumë, fatkeqësisht, por në këtë rast dhe ata e thanë që është një ndërhyrje që bëhet në shumë pak vende të botës dhe ne morëm menjëherë masa. E rëndësishme është që çdo gjë shkoi mirë”, tha Rama.
/a.r
