Sipas Institutit të Gjeoshkencave datat 30 nëntor dhe 1 dhjetor do të jenë ditë me prani reshjesh intensive të cilat do të rrezikojnë përmbytje.
Nga llogaritjet paraprake këto reshje priten të sjellin përmbytje në lumenjtë e mëdhenj, përveç vërshimeve të lumenjve të vegjël dhe përmbytjeve urbane në varësi të gjendjes së kanalizimeve në qytetet kryesore (Tiranë, Lezhë, Durrës, Korçë, Berat, Vlorë, Fier dhe Gjirokastër).
Reshjet maksimale i kalojnë vlerat e 100 mm në 24 orë dhe qarqet më të rrezikuara janë Fieri dhe Vlora.
Ka mundësi të lartë për përmbytje në basenet e lumenjve Vjosa dhe Seman, gjithashtu edhe lumi Shkumbin mund të shfaqë përmbytje përgjatë fundit të ditës së premte.
RESHJET
Sot pasdite nuk priten reshje, ndërsa nesër priten reshje në të gjithë territorin kryesisht pasdite dhe gjatë natës.
TEMPERATURAT
Nesër temperaturat minimale dhe maksimale të ajrit pritet të arrijnë: në bregdet: 3 °C / 12 °C, në vendet e ulta: -2 °C / 12 °C dhe në vendet malore: -6 °C / 6 °C.
ERA
Sot pasdite dhe nesër pritet të fryjë mesatare në të gjithë territorin.
a.ç
